विश्व

नेपालले जारी गर्यो ट्राभल एडभाइजरी, विदेश यात्रामा सचेत रहन आग्रह

काठमाडौं । नेपाल सरकारले आफ्ना नागरिकलाई विदेश यात्रामा सचेत रहन आग्रह गरेको छ । नेपाली नागरिकहरुलाई विदेश भ्रमणमा नजान आग्रह गर्दै सरकारले ट्राभल एड्भाइजरी जारी गरेको हो ।

कोरोना भाइरसले पछिल्लो समय बढी नेपाली बढी आवत जावत हुने देशमा संक्रमण बढाएको छ । सोहीकारण सरकारले विदेश यात्रामा सचेत रहन आग्रह गरेको हो ।

तत्कालका लागि विदेश भ्रमणको योजना नबनाउन देशबासीलाई अपील गरिएको परराष्ट्रमन्त्री प्रदीप ज्ञवालीले जानकारी दिए ।

कोरोना भाइरसको गम्भीर संक्रमण देखिएका देशमा अत्यावश्यक काममा बाहेक नजान नेपालीलाई आग्रह गरिएको उनले बताए ।

सरकारले वैदेशिक रोजगारीमा जाने योजना समेत तत्कालका लागि स्थगित गर्न पनि सर्वसाधारणलाई आग्रह गरेको छ ।

दक्षिण कोरियामा इपीएस प्रणालीबाट कामदार नपठाउने निर्णय समेत भएको छ ।

अध्ययनका लागि विदेश जान चाहने विद्यार्थीले समेत अब तत्काल एनओसी नपाउने भएका छन् । पछिल्लो समय सरकारले कोरोनाबारे सचेतना अपनाउन थालेको छ । सोही अनुसार यात्रामा सचेत गराइएको हो ।