स्वास्थ्य

कोरोनाले अमेरिकामा थप चार जनाको मृत्यु

वासिङ्टन । अमेरिकामा कोरोना भाइरसका कारण थप चार जनाको मृत्यु भएको छ । वासिङ्टन राज्यमा कोरोनाभाइरसको संक्रमणबाट थप चार जनाको मृत्यु भएको अमेरिकी अधिकारीले पुष्टी गरेका छन् ।

चार जनाको ज्यान गएसँगै अमेरिकाका कोरोनाभाइरसकै कारण ६ जनाको ज्यान गइसकेको छ । त्यसमध्ये पनि ५ जनाको ज्यान अमेरिकामै र एक जनाको चीनमा उपचारका क्रममा मृत्यु भएको हो ।

वासिङ्टन राज्यले अघिल्लो सातामात्र कोरोना संक्रमणका कारण राज्य भित्र आपतकाल घोषणा गरेको थियो।

यस राज्यमा मात्र १८ जनामा कोरोनाभाइरसको संक्रमणको पुष्टि भएको सरकारी अधिकारीले उल्लेख गरेका छन् ।

तर, यस राज्यमा मात्र करीव १५ सय मानिसमा संक्रमण फैलिसकेको अनुमान गरिएको छ । राज्यले भने यसको पुष्टी गरेको छैन ।

राज्यमा कतिपय स्थानमा विद्यालय बन्द गरिएका छन् । बिरामी राख्न होटेलहरु प्रयोग गर्न थालिएको छ ।

अमेरिकामा पाँच राज्यमा कोरोनाभाइरसका संक्रमित भेटएको पुष्टी भइसकेको छ ।

वासिङटन, क्यालिफोर्निया, इलिनोइस, रोड आइल्याण्ड, न्यू योर्क, फ्लोरिडा र ओरेगन राज्यमा मामला फेला परेका छन् ।

देशभर करीव १ सय मानिसमा संक्रमणको पुष्टी भएको छ । चीनबाट फैलिएको यो भाइरसले अहिले संसारभर ६५ भन्दा बढी मुलुक प्रभावित भइसकेका छन् ।