ललितपुर । ललितपुरका विभिन्न स्थानमा विद्यूत आपूर्ति प्रभावित हुँदैछ । कतिपय स्थानमा नियमित विद्यूत आपूर्ति नहुँदा लाइन काटिने भएको छ ।

नेपाल विद्यूत प्राधिकरणका अनुसार वितरण लाइन सुधारको काम भइरहेका कारण बिहीबार साँझबाटै आइतबारसम्म ललितपुरका विभिन्न स्थानमा विद्युत् आपूर्ति बन्द हुन लागेको हो ।

प्राधिकरणका अनुसार पुल्चोक वितरण केन्द्रको पाटन फर्पिङ फिडरबाट वितरण भएको ११ केभी क्षमताको लाइन सुधार गर्न लागिएको छ ।

सोही कारण यस भेगमा विद्यूत कटौती हुने भएको छ । बिहीबारबाट आइतबारसम्म हरेक दिन बिहान १० देखि साँझ ६ बजेसम्म लाइन काटिने भएको छ ।

यस फिडरबाट विद्यूत आपूर्ति भएको फर्सिडोल, डुकुछाप, दनुवार बस्ती, जोर्खु, घुसेल, खोलाखेतलगायत क्षेत्रमा विद्युत् आपूर्तिमा अवरोध आउने भएको छ ।

सो फिडरबाट वितरण भएको नियमित समस्या आउन थालेपछि प्राधिकरण यो क्षेत्रको सुधारमा लागेको हो ।

केही महिनायता बढी माग र कमजोर आपूर्ति व्यवस्थापनका कारण राजधानीमा समस्या आउन थालेपछि प्राधिकरणले उपकरणमा सुधार र क्षमता बिस्तारको काम तिब्र बनाएको छ ।