स्वास्थ्य

सेल्फी खिच्दा तमोरमा खसेका युवकलाई नदीले बगायो

धनकुटा । धनकुटामा तमोर नदिले एक युवकलाई बगाएको छ । धनकुटा नगरपालिका–९ मुलघाटमा तमोर नदीमा सेल्फी खिच्ने क्रममा नदीले बगाएर शनिबार एक युवक बेपत्ता भएको प्रहरीले पुष्टी गरेको छ ।

भारतको बिहार राज्यस्थित पूर्णिया घर भएका भिनित कुमार नमोर नदीमा खसेका थिए ।

त्यसपछि उनलाई नदीले बगाएर वेपत्ता पारेको हो । उनी विराटनगरस्थित नोबेल मेडिकल कलेजमा एमबीबीएस अध्ययनरत थिए ।

शनिबार साथीहरुसँग घुम्न धनकुटा पुगेका उनीहरुले सेल्फी लिने क्रममा कुमार चिप्लएर नदीमा खसेका थिए ।

बेपत्ता युवकबारे खोजी जारी रहेपनि अझै पत्ता नलागेको प्रहरीले जनाएको छ । असुरक्षित रुपमा सेल्फी लिँदा अकालमा मानिसहरुको ज्यान जाने गरेको छ ।