स्वास्थ्य

कोरोना प्रभाव : चीनमा रोकिँदै, यूरोपमा फैलिँदै

काठमाडौं । डिसेम्बर २०१९ बाट चीनको वुहानमा उत्पत्ति भएको कोरोना भाइरसले संसारभर ३ हजार ६ सयको ज्यान गएको छ । यसमध्ये ठूलो संख्या चीनमा रहेको छ ।

तर, पछिल्ला दिनहरुमा कोरोना विरुद्ध चीनले उल्लेख्य सफलता हात पार्दा नयाँ संक्रमित र मृत्युको संख्यामा कमी आएको छ ।

दुई महिना कै अवधिमा कोरोना भाइरसको संक्रमण १ सय ३ देशमा फैलिएको छ। विश्व स्वास्थ्य संगठनले शनिबार यस्तो जानकारी दिएको छ ।

संगठनका अनुसार अहिले चीनमा संक्रमण क्रमशः घटिरहेको छ । तर, इरान र इटाली भने सबैभन्दा बण्ी प्रभावित भइरहेका छन् ।

चीनमा मात्र मृत्यु हुनेको संख्या ३ हजार ९७ जना रहेको छ । चीनमा ८० हजार ६ सय ९६ जना मानिसमा यसको संक्रमण फैलिएको थियो ।

५७ हजार ८३ जना संक्रमित भने उपचार पछि घर फर्किएका छन् । चीनपछि इटालीमा इटालीमा ५ हजार ८ सय ८३ जनामा सक्रमण देखिएको छ ।

यस मुलुकमा शनिबार मात्रै थप ३६ जनाको मृत्यु भएको छ । यहाँ मृत्यु हुनेको कूल संख्या २ सय ३३ पुगेको छ। इरानमा ५ हजार ८ सय २३ जनामा संक्रमण हुँदा १४५ जनाले ज्यान गुमाएका छन् ।

त्यहाँ ५ हजार ८ सय २३ जना संक्रमित भेटिएको जनाइएको छ। दक्षिण कोरियामा ५० जनाको ज्यान गएको छ । यहाँ सात हजार १ सय २४ जनामा संक्रमण पुष्टी भएको विश्व स्वास्थ्य संगठनले जनाएको छ ।

चीनले करीव करीव नियन्त्रणमा ल्याइसकेको यो रोगको संक्रमणले अब युरोप र एसियाका अन्य मुलुकमा नराम्रोसँग प्रभाव जमाइरहेको छ ।

इटालीपछि पछिल्लो समय फ्रान्स जर्मनी, स्पेन, बेलायत बेल्जियममा केरोनाको फैलावट डरलाग्दो देखिएको छ । जापानमा ६ जनाको ज्यान गएको छ । अमेरिकामा कोरोनाकै कारण १९ जनाले ज्यान गुमाइसकेका छन् । पछिल्लो २४ घण्टामा १ सय ६ जनाको निधन भएको छ ।