काठमाडौं । बिहीबार साँझ आएको भिषण हावाहुरीमा परी भारतमा २६ जनाको निधन भएको छ । भारतको उत्तर प्रदेशस्थित थुप्रै जिल्लामा आँधिले जनधनको क्षति गरेको हो ।
उक्त घटनामा ५० भन्दा बढी घाइते भएको भारतीय संचारमाध्यमले उल्लेख गरेका छन् । यूपीको मैनपुरी भन्ने स्थानमा ६ जनाको निधन भएको छ । एटा र कासगंजमा तीन तीन जनाले ज्यान गुमाएका छन् ।
मुरादाबादमा चट्यांगका कारण एक जनाको निधन भएको छ । तिब्र गतिमा आएको आँधिले रुख ढलाएको थियो भने कतिपय स्थानमा घरको छाना उडाएको थियो ।
किसानको बालिनालीमा समेत तुफानले नराम्रोसँग प्रभावित भएको छ । सोही आँधिको प्रभाव बिहीबार नेपालमा समेत देखियो । खासगरी सुदुरपश्चिममा आँधिले बढी प्रभाव पारेको छ ।
आँधिले नेपालमा २ जनाको निधन भएको छ । शुक्रबार बिहान राजधानीसहितका क्षेत्रमा आँधिले प्रभाव देखाएको थियो ।
