काठमाडौं । पूर्वयुवराज पारस शाह शनिबार पशुपतिनाथ मन्दिर परिसरमा देखिए । पारसको राजशी रवाफ समाप्त भइसकेको धेरै भइसक्यो, तर उनी आफ्नो स्टाटसलाई मेन्टेन गर्न नसकेका कारण आम नागरिकका नजरमा भने आलोचित पात्र हुन् ।
शनिबार भने उनी अलि भिन्न रुपमा प्रस्तुत भए । पशुपतिनाथ मन्दिर परिसरमा उनले झाडु समातेर सरसफाइ गर्न लागे ।
लामो समय लागू औषधको कूलतमा फसेका पारसको शारीरिक अवस्था कमजोर देखिन्छ । तर, झाडु लिएर सुरसफाई गरिरहेको उनको तस्वीर भने अहिले भाइरल भइरहेको छ ।
पशुपतिमा पारस शाहलाई बोल्न आग्रह गरिएको थियो । तर, उनी बोलेनन् । उनलाई झाडु र पन्जा दिएर पन्जा लगाउन भनिएको थियो ।
तर, पारसले पन्जा नलाई सिधै झाडु समातेर बडार्न थालेका थिए । उनले सरसफाई अभियानको शुभारम्भ गरेका थिए ।
