दोहा । कतार सरकारले कोरोनाको सतर्कता भन्दै १४ देशका नागरिकलाई रोक्ने निर्णय गरेको छ । यसमा नेपाल पनि समावेश रहेको छ ।

कतारको यो निर्णयसँगै अब नेपालीको प्रमुख रोजगारगन्तव्य मुलुक कतार प्रवेश नेपालीका लागि तत्कालका लागि कठिन हुने भएको छ ।

कोरोनाको संक्रमण बढ्दै गएको र यसबाट बच्न १४ देशका नागरिकलाई कतार प्रवेश रोकिएको कतारको द गभरमेन्ट कम्युनिकेसन अफिस (जीसीओ) ले जानकारी दिएको छ ।

कतारमा अहिले पनि लाखौं नेपाली कार्यरत रहेका छन् । यद्दपी यो प्रतिवन्ध भने अल्पकालीन हो ।

कतारले नेपालसहित बंगलादेश, चीन, इजिप्ट, भारत र इरानका नागरिकलाई प्रवेश रोकेको छ ।

यसैगरी इराक, लेवनान, पाकिस्तान, फिलिपिन्स, दक्षिण कोरिया, श्रीलंका, सिरिया र थाइल्यान्ड नागरिकका नागरिकलाई समेत तत्काल प्रवेश रोकिएको छ । कतारमा १२ जनाको यो रोगको संक्रमण देखिएको भएपनि मानिसको ज्यान भने गइसकेको छैन ।