तास्मानिया । अष्ट्रेलियामा नेपालीमाथि पनि कोरोनाको संक्रमण भेटिएको छ । संचारमाध्यमका अनुसार तास्मानिया राज्यस्थित होबार्टमा एक नेपाली विद्यार्थीमा कोरोना भाइरसको संक्रमणको पुष्टी भएको हो ।

उनलाई स्थानीय अस्पतालमा भर्ना गरिएको बताइएको छ । उनको साथमा रहेका अन्य चार जनालाई भने क्वारेन्टाइनमा राखिएको छ ।

उनी फेब्रुअरी २६ मा नेपालबाट सिंगापुर र सिड्नी हुँदै होबार्ट आएको बताइएको छ । स्थानीय अस्पतालले उनमा कोरोनको पुष्टी गरेको छ ।

यद्दपी स्वास्थ्य अवस्था भने सामान्य रहेको छ । अस्पतालका सबै नियम पालना गरेका कारण बिरामीमा जोखिम कम हुन्छ ।

यता, नेपाली सोसाइटी अफ तास्मानियाले समेत सम्भावित संक्रमणबाट बच्न नेपालीलाई छ । सचेत गराएको छ ।

भेला तथा भोज आयोजना नगर्न समेआग्रह गरिएको छ । संक्रमण भेटिएपनि नेपाली खतरामुक्त रहेको र आत्तिनु पर्ने अस्था नरहेको नेपाली सोसाइटीले उल्लेख गरेको छ ।

तर, सतर्क रहेर रोग सर्नबाट टाढै बस्न सचेत गराइएको हो । नेपाली दूतावासले समेत विभिन्न स्थानमा रहेका नेपाली समुदायमा संयमित एवं सतर्क हुन आग्रह गरेको छ ।

दूतावासले भाइरसको संक्रमणबाट सुरक्षित रहन अष्ट्रेलिया सरकार र नेपाल सरकारले जारी गरेको सन्देश पालना गर्न सम्पूर्ण नेपाली समुदायलाई अपिल गरेको हो ।

विश्वका १ सय भन्दा बढी मुलुकमा फैलिएको कोरोनाका कारण संसारभर ३७ सय मानिसले ज्यान गुमाइसकेका छन् ।