स्वास्थ्य

यूएइमा पनि नेपालीमा कोरोना

यूएई । संयुक्त अरब इमिरेट्स (यूएई) मा समेत नेपालीमा कोरानाको संक्रमण देखिएको छ । दुई जना नेपालीमा कोरोना भाइरसको संक्रमण पुष्टी भएको हो ।

सोमबार दुई नेपालीसहित १४ नयाँ संक्रमित पुष्टी भएको यूएईको स्वास्थ्य मन्त्रालयले उल्लेख गरेको छ ।

मन्त्रालयकाअनुसार नयाँ संक्रमितमध्ये चार जना यूएईका हुन् । दुई नेपाली, तीन इटाली, दुई बंगलादेशीसँगै रुस, सिरिया र भारतका एकएक नागरिकमा संक्रमणको पुष्टी भएको हो ।

मन्त्रालयका अनुसार अब यूएईमा संक्रमित हुने ५९ पुगेका छन् । त्यसमध्ये १२ जना भने निको भएर उपचारपछि घर फर्किसकेका छन् ।

त्यसमध्ये पाँच जना सोमबार नै घर फर्किएका हुन् । यूएइमा ठूलो संख्यामा नेपाली छन् ।

उनीहरुमा संक्रमित फैलिएमा नेपालसमेत प्रभावित हुन सक्छ । तर, पछिल्ला दिनमा खाडी मुलुकले सबै देशका नागरिकमाथि यात्रामा कडाई गरेका छन् ।