काठमाडौं । कुनै न कुनै अप्रिय घटना भइरहने होलीको दिन यस वर्ष भने तुलनात्मक रुपमा शान्त रह्यो । सरकारले यो वर्ष समूहमा जम्मा भएर होली नखेल्न सर्वसाधारणलाई आह्वान गरेको थियो ।

सर्वसाधारणले समेत सरकारको उक्त आग्रह मानेका छन् । सडकमा विगतका तुलनामा कम मात्र मानिस होली खेलिरहेको भेटिए ।

होलीका दिन काठमाडौं उपत्यकामा कुनै अप्रिय घटना नभएको प्रहरीले जानकारी दिएको छ ।

तर, ट्राफिक नियम उल्लंघन गर्ने ७ सय भन्दा बढी चालक भने कारबाहीमा परेका छन् प्रहरीका अनुसार ७६ मोटरसाइकल र ७ सय ११ जना सवारी चालकलाई कारबाहीमा परेका हुन् ।

मापसे गर्ने, तीन जना सवार मोटरसाइकल र कागजात नबोकेका चालक प्रहरी कारवाहीमा परेका हुन ।

प्रहरीले होलीको दिन विशेष सतर्कताका साथ कारवाही चलाउने गरेको छ । प्रहरीको यो कारवाही प्रभावकारी समेत हुने गरेको छ । पछिल्ला वर्ष होलीमा हुने दूर्घटनामा उल्लेख्य कमी आएको छ ।