सुडान । सुडानका प्रधानमन्त्रीको हत्या प्रयास भएको छ । प्रधानमन्त्री अब्दल्ला हामडोकलाई लक्षित गरी बम विष्फोट गराइएको छ । यद्दपी उनी बच्न सफल भएका छन् ।
सोमबार बिहान निवासबाट कार्यालय जान लाग्दा उनको सवारीमाथि बम विस्फोट गराइएको हो । राजधानी खार्तुममा बिस्फोट भएको हो ।
बिस्फोटले प्रधानमन्त्तीलाई कुनै असर गरेन् । तर, उनको कारगेडमा प्रयोग भएका सवारीमा भने क्षति पुगेको छ ।
विस्फोट कसले र कुन उद्देयले गरायो भन्ने खुलेको छैन । हामडोक गत अगस्टदेखि सुडानका अन्तरिम प्रधानमन्त्रीका रुपमा कार्यरत छन् ।
प्रजातन्त्र पक्षधर आन्दोलनकारीले सैनिक तानाशाह ओमर अल बसिरलाई हटाएर उनलाई सत्तामा ल्याएका हुन ।
उनी सेना र प्रजातन्त्र पक्षधर बीचको सहमतिमा प्रधानमन्त्री बनेका हुन् । सुडान लामो समयदेखि अस्थिर राजनीतिबाट गुज्रिरहेको मुलुक हो ।
