काठमाडौं । सरकारले नेपाल आउने विश्वका विभिन्न मुलुकलाई अनअराभइल सुविधा दिने गरेको छ । त्यसमध्ये कोरोना भाइरसको संक्रमण बढी फैलिएका ५ मुलुकलाई अनअराइभल भिसा नदिने निर्णय भएकोमा त्यसलाई थपेर ८ देश पुर्याइएको छ ।

यो नीति आजैबाट लागु हुँदैछ । अब अब स्पेन, फ्रान्स र जर्मनीका नागरिकले समेत नेपाल आउन ‘अन–अराइभल’ भिसा नपाउने भएका छन् ।

अध्यागमन कार्यालयका अनुसार यी मुलुकमा कोरोनाले संक्रमण बढाएसँगै अनअराइभद सुविधा बन्द गर्ने निर्णय गरिएको हो ।

यसअघि नेपालले चीन, इरान, दक्षिण कोरिया, जापान र इटलीका नागरिकलाई ‘अन–अराइभल’ भिसा नदिने निर्णय गरेको थियो ।

यी मुलुकबाट नेपाल आउन चाहेमा अब सम्बन्धित मुलुकस्थित नेपाली दूतावास वा कूटनीतिक नियोगमै सम्पर्क गर्नुपर्छ ।

त्यहा नियोगहरुले एक निरोगिताको फारम भर्न लगाउने छ । त्यसको प्रमाण पेश गर्न सक्ने व्यक्तिमाथि नेपाल आउन पाउने भएका छन् ।

उनीहरु स्थलमार्ग र त्रिभुवन अन्तर्राष्ट्रिय विमानस्थल जहाँबाट आएपनि निरोगिताको प्रमाणपत्र अनिवार्य गरिएको छ ।

नेपालले आतंकवादी क्रियाकलाप हुने एक दर्जन मुलुकका नागरिकलाई बाहेक अन्य मुलुकलाई अनअराइभल सुविधा दिएको थियो । यस्तो सुविधा पाएको देशका नागरिकले नेपाल छिर्ने नाकामा आएर भिसा लिन पाउने प्रावधान थियो ।