काठमाडौं । कतार सरकारले नेपालीलाई कतार प्रवेशमा रोक लगाएसँगै दुई नेपाली कम्पनीले कतार सँगको हवाई उडान बन्द गरिदिएका छन् ।

सरकारी कम्पनी नेपाल एयरलाइन्स र निजी कम्पनी हिमालय एयरलाइन्सले कतारको राजधानी दोहामा गर्दै आएको उडान बन्द गरेका हुन् ।

कतारले नेपाललाई रोकसँगै यहाँ एक त विजेनश नहुने र अर्कोतर्फ झण्झटसमेत उत्तिकै हुने भएपछि कम्पनीले उडान झिकेका हुन् । कतार सरकारले कोरोनाको संक्रमण फैलन सक्ने भन्दै नेपालसहित १४ मुलुकका नागरिकलाई प्रवेश रोकेको छ । कतारको जहाजले भने काठमाडौं उडान निरन्तर गरिरहेको छ ।

नेपाल एयरलाइन्स र हिमालयका यात्रुले अब पहिले टिकट काटेको भए त्यसलाई निशुल्क फिर्ता गर्न वा निशिल्क परिवर्तनसमेत गर्न सक्ने भएका छन् ।

यद्दपी कोरोना कहिले नियन्त्रणमा आएर कहिले उडान खुल्छ भन्ने निश्चित नभएपछि दुबै कम्पनीले अनिश्चित कालका लागि कतार उडान बन्दगरेका हुन् ।

कतारले नेपालीलाई प्रवेश बन्द गरेसँगै यहा जाने कामदार सबैभन्दा बढी प्रभावित हुुने भएका छन् ।