05-Apr-2020 | २३ चैत्र २०७६, आईतवार

११ देशका ३५० अन्तर्राष्ट्रिय कलाकारको कुम्भ मेला सम्पन्न

२९ फाल्गुन २०७६, बिहीबार ०   बिचार / प्रतिक्रिया


काठमाडौं- एभरेष्ट नेपाल कल्चरल ग्रुपको अगुवाइमा भएको दशौं संस्करणको अन्तर्राष्ट्रिय लोक साँस्कृतिक मेलाको समापन भएको छ । ‘पर्यटक कलाकारको स्वागत सत्कार, नेपाली लोक संस्कृतिको आधार’ भन्ने मुल नाराका साथ उपराष्ट्रपति नन्दबहादुर पुनको प्रमुख आतिथ्यमा राजधानीमा एक भव्य कार्यक्रमबीच १७ फागुनमा शुभारम्भ भएको मेला काठमाडौं, ललितपुर र पोखरामा आयोजना गरिएको थियो ।

मेलामा बङ्लादेश, बुल्गेरिया, डेनमार्क, इस्टोनिया, भारत, नेपाल, इजरायल, मलेसिया मेक्सिको र श्रीलंकाका ३५० भन्दा बढी कलाकारहरुले कला प्रस्तुत गरेका थिए । विभिन्न देशबाट आएका तीन सय पचास भन्दा बढी कलाकारहरु उपस्थिति रहेको मेलामा नेपाल लगायत सबै देशका कलाकर्मीहरूले आफ्नो देशको लोक सांस्कृतिक नृत्य तथा गीतहरू प्रस्तुत गरेका थिए ।

राजधानीको कान्तिपथ स्थित होटल एल्लो प्यागोडमा समापन गरिएको कार्यक्रममा मेलामा सहभागी कलाकारलाई बिशेष सम्मान प्रदान गरिएको थियो ।

नेपाली लोक सांस्कृतिको संरक्षण तथा सम्वर्धन गर्ने प्रमुख उद्देश्यका साथ बाईस बर्ष अगाडी स्थापना भएको संस्थाले स्थापनाकाल देखि नै लोक सांस्कृति तथा पर्यटकीय विकासमा टेवा पुर्‍याउने उद्देश्यले आफ्नै मौलिक लोक सांस्कृति झल्कने कार्यक्रमहरु स्वदेश तथा विदेशमा प्रस्तुत गरी नेपालको गरिमा बढाउने कार्य गर्दै आएको एभरेष्ट नेपाल कल्चर ग्रुपका अध्यक्ष तथा दशैं अन्तर्राष्ट्रिय लोक साॅंस्कृतिक मेलाका संयोजक रामचन्द्र कोइरालाले बताए । मेलाको शुभारम्भ फागुन १७ गते गरिएको थियो ।

विभिन्न देशका कलाकारहरुले फागु पूर्णिमा मनाउनको लागि आफ्नो नेपाल बसाई केही दिन लम्ब्याएका थिए ।

Loading...

फेसबुकबाट तपाईको प्रतिक्रिया

सम्बन्धित समाचार