समाचार

गैरआवासीय नेपालीले पाउने अनअराइभल भिसा सुविधा रद्द

काठमाडौं । सरकारले गैरआवासीय नेपाललाई गैरआवासीय नेपाली परिचय पत्रका आधारमा उपलब्ध गराएको अनअराइभल भिसा सुविधा तत्कालका लागि रद्द गरेको छ ।

कोरोनाको संक्रमण संसारभभर फैलिएसँगै सरकारले गैरआवासीय नेपालीका लागि प्रवेश बिन्दुमा उपलब्ध गराएको भिसा सुविधा बन्द गरेको हो ।

सरकारको उच्चस्तरीय समितिले यस्तो निर्णय गरेको हो । यो सुविधा ३० अप्रिल २०२० सम्म कायम रहने भएको छ ।

नेपाल आउन चाहने गैर आवासीय नेपालीले अब नेपाल आइपुग्नु भन्दा कम्तिमा ७ दिन अगाडीको स्वास्थ्य जाँचको प्रमाणपत्र सहित सम्बन्धित मुलुकको नेपाली कूटनीतिक नियोगबाट भिसा लिनु पर्ने भएको छ ।

कोरोनाले यूरोप र अमेरिकामा बढी आक्रमण थालेसँगै सरकारले नेपाल प्रवेश गर्ने विदेशीको भिसा सुविधा समेत रद्द गरिसकेको छ ।