काठमाडौं । बुद्ध एयरले काठमाडौंबाट भारतको बनारसमा गरिरहेको उडान बन्द गर्ने घोषणा गरेको छ । आइतबारबाट ३० अप्रिलसम्म बुद्धको बनारस उडान बन्द हुने भएको कम्पनीले जानकारी दिएको छ ।
भारत सरकारले विदेशी नागरिकको हकमा १४ मार्चदेखि अप्रिल ३० सम्म भिसा रद्द गर्ने निर्णय गरेको छ ।
तर, यो निर्णयले नेपाली यात्रुलाई भने प्रभाव पार्दैन । तर, यात्रामा झण्झट हुने र कोरोनाबाट बच्न भन्दै बुद्धले यसै अवधिमा बनारस उडान बन्द गर्ने निर्णय लिएको हो ।
टिकट काटिसकेका व्यक्तिले टिकट सार्न वा फिर्ता गर्न सक्ने कम्पनीले जानकारी गराएको छ । बुद्धले विगत दुई वर्षदेखि वनारसमा नियमित उडान गरिरहेको छ ।
