न्यूयोर्क

कोरोना भाईरसको संक्रमणको शंकामा सो सम्वन्धि जाँच गरेका राष्ट्रपति डोनाल्ड     ट्रम्पको रिपोर्ट नेगेटिभ देखिएको छ । शुक्रबार साँझ ट्रम्पको जाँच गरिएको एक दिनपछि उनी संक्रमित नभएको रिपोर्ट आएको कुरा ह्वाईट हाउस श्रोतले पुष्टि गरेको छ ।  गत हप्ता राष्ट्रपति ट्रम्पले मार्गा लागोस्थित ब्राजेलियन प्रतिनिधि मन्डलसँग भेट गरेको र उक्त प्रतिनिधि मन्डलको एक ब्यक्ति कोरोना भाइरस संक्रमित भएपछि ट्रम्पको पनि जाँच गर्नु पर्ने जन दबाब अमेरिकामा बढेको थियो ।  

अमेरिकामा अहिले हरेक घण्टा कोरोना संक्रमितको संख्या बढ्दै गएको छ भने ठुलो जन घनत्व भएका ठुला शहरका सडक सुनसान हुँदै गएका छन् । मानिसहरु अत्यावश्यक काम बाहेक घर बाहिर निस्कन छाडेका छन् । राष्ट्रपति ट्रम्पले युरोपसँगको आतेजाते बन्द गरि सकेका छन् भने बेलायत र आयरल्यान्डबाट पनि सोमबार मध्यरातदेखि अमेरिका आउने जाने क्रम बन्ध हुने गोषणा गरिसकेका छन् ।