प्रेमिल गजलकारको रुपमा परिचित पुष्कर बरालले आफ्नो गीतको नयाँ म्यूजिक भिडियो सार्वजनिक गरेका छन् ।
बिगत लामो समयदेखि साहित्य लेखनमा सकृय बरालको गजल गीत “हलचल जिन्दगीमा” लाई लोकप्रिय गायक यम बराल स्वर र संगीत भरेका छन् ।
“यता यस्तै उता त्यस्तै हलचल जिन्दगीमा,
किन झर्छ आसु यहाँ पलपल जिन्दगीमा”
यस्तै खालका माया प्रेम र बिछोडका बहलाई पुष्करले शब्दमा उतारेका छन् । न्यूयोर्क सहरमा फिल्मांकन गरिएको म्यूजिक भिडियोमापछिल्लो समय अभिनयमा निकै ब्यस्त रहेकी नायिका / मोडल केकी अधिकारी, गजलकार पुष्कर बराल, नायक कृष थापा र पृन्साकोअभिनय रहेको छ ।
ओएसआर डिजीटल यूट्युब च्यानलबाट बजारमा आएको यो गजल गीतलाई न्यूयोर्कमा लोकप्रिय बिक्की पुलामी मगरले भिडियोनिर्देशन गरेका छन् भने प्रज्वल पन्तको छायांकन रहेको छ ।
