समाचार

घट्यो पेट्रोलियम पदार्थको मूल्य

काठमाडौं । नेपाल आयल निगमले पेट्रोलियम पदार्थको मूल्य घटाएको छ । सोमबार निगम सञ्चालक समितिले डिजेल, पेट्रोल, मट्टितेल र हवाइ इन्धनमा आन्तरिकतर्फको मूल्य घटाएको छ ।

निगमले डिजेल पेट्रोल र मट्टितेलमा प्रतिलिटर दुई रुपैयाँले मूल्य घटाएको जानकारी दिएको छ । हवाई इन्धनमा आन्तरिकतर्फ प्रतिलिटर मूल्य ४ रुपैयाँ ५० पैसाले घटाइएको छ ।

एलपीजी ग्यास र हवाई इन्धन अन्तराष्ट्रियको मूल्यमा भने कुनै परिवर्तन गरिएको छ ।

नयाँ मूल्यअनुसार अब उपभोक्ताले डिजेल र मट्टितेलमा प्रतिलिटर ९५ रुपैयाँँ, पेट्रोल १०६ रुपैयाँ प्रतिलिटर र हवाई इन्धन आन्तरिकतर्फ ९० रुपैयाँ प्रतिलिटरमा प्राप्त गर्नेछन् ।

अन्तराष्ट्रिय मूल्यमा भारती गिरावट आएको छ । तर, सरकारले भने पर्याप्त नाफा राखेर मूल्य समायोजन गरेको छ ।