05-Apr-2020 | २३ चैत्र २०७६, आईतवार

कोरोनाले २१ वर्षिय स्पेनिस फूटबल कोचको ज्यान लियो, मृत्यु हुने विश्वकै कान्छा संक्रमित

४ चैत्र २०७६, मंगलवार ०   बिचार / प्रतिक्रिया


काठमाडौं । कोरोना भाइरसले युवालाई कम प्रभाव पार्छ भन्ने पुष्टी चीन र इटलीको तथ्यांकले गरेको थियो । किनकी इटलीमा ५० वर्ष मुनीका मानिसको ज्यान गएको थिएन ।

चीनमा ३९ वर्षभन्दा मुनीका व्यक्तिको ज्यान गएको थिएन । तर, यूरोपका अन्य मुलुकबाट अझ डरलाग्दो खबर सार्वजनिक हुन थालेको छ ।

फ्रान्समा अधिकांश ५० वर्ष मुनीका नागरिकमा कोरोनाको संक्रमण फैलिएको छ । यता, स्पेनमा भने २१ वर्षिय युवाकै ज्यान गएको छ ।

संचारमाध्यमहरुका अनुसार स्पेनमा फुटबल प्रशिक्षक फ्रान्सिस्को गार्सियाको कोरोना संक्रमणका कारण ज्यान गएको हो ।

फ्रान्सिस्को गार्सियाले मालागामा आधारित क्लब एटलेटिको पोर्टडा अल्टाको कनिष्ठ टोलीको प्रबन्ध गरेका थिए। उनको शनिबार ज्यान गएको हो ।

२१ वर्षका उनी कोरोनाबाट ज्यान गुमाउने विश्वकै कान्छो संक्रमित भएको बताइएको छ । संक्रमण बढ्दै गएपछि स्पेनमा समेत आपतकालीन अवस्था घोषणा भएको छ ।

विश्वमा महामारीका रुपमा फैलिएका कोरोना भाइरसको संक्रमण १६२ देशमा फैलिएको छ। इटालीमा विगत २४ घण्टामा ३ सय ४९ जनाको ज्यान गएको छ।

कोरोनाका कारण थप ३ हजार २ सय ३३ जना संक्रमति थपिएका छन्। चीनमा भने थप १३ जनाको ज्यान गएको छ। इरानमा १ सय २९ जनाको ज्यान गएको छ ।

Loading...

फेसबुकबाट तपाईको प्रतिक्रिया

सम्बन्धित समाचार