समाचार

अन्तरिक्ष यात्रा पर्यटकका लागि पनि खुला हुने

पैसा सबै चिज होईन भन्नेहरुका लागि अब मनग्य पैसा भयो भने धेरै चिज प्राप्त हुँदो रहेछ भन्ने नयाँ उदाहरण सार्वजनिक भएको छ ।  

नासाले अब पर्यटकका लागि पनि अन्तर्राष्ट्रिय अन्तरिक्ष केन्द्र खुला गर्ने भएको छ । नासाले पर्यटकका लागि अन्तरिक्ष केन्द्रसम्म उड्ने सौभाग्य भने अर्को बर्षदेखि प्रदान गर्ने भएको कुरा घोषणा गरेको छ ।  नासाले प्रति बर्ष २ जना मात्र प्राईभेट अन्तरिक्ष यात्रीको लागि स्विकृती दिने जनाएको छ । तर अन्तरिक्ष यात्रा गर्ने सौभाग्य भने सामान्य जीवनयापन गर्नेहरुको पंहुच बाहिर हुने छ । नासाको अन्तर्राष्ट्रिय    अन्तरिक्ष यात्रा गर्ने पर्यटकका लागि ३० दिनको प्याकेज हुने छ भने शुल्क प्रती रात न्युनतम पनि ३५ हजार अमेरिकी डलर पर्ने छ ।  उक्त घोषणा नासाले गत शुक्रबार नयाँ बिजिनेस योजना बनाउदै सार्वजनिक गरेको हो । पर्यटकले अन्तरिक्ष यात्रा आगामी बर्षको सुरुदेखि गर्न पाउने छन् ।  

नासाले खर्चको फाँटबारी भने यसरी बाँडफाँड गरेको छ –

रिजेनरेटिभ लाईफ सपोर्ट र शौचालय शुल्क – ११,२५० अमेरिकी डलर प्रति दिन 

क्र्यु सप्लाईज ( खाना अक्सिजन र मेडिकल किट )- २२,५०० अमेरिकी डलर प्रति दिन 

ठाउँ भाडा – १०५ अमेरिकी डलर प्रति दिन 

बिधुत शक्ती – ४२ अमेरिकी डलर प्रति किलोवाट प्रति घण्टा 

डाटा – ५० अमेरिकी डलर प्रति गेगा बाईटस् 

एजेन्सी ।