29-May-2020 | १६ जेष्ठ २०७७, शुक्रबार

आजबाट सहुलियत पसल संचालन

७ चैत्र २०७६, शुक्रबार ०   बिचार / प्रतिक्रिया


काठमाडौं । सरकारले आजबाट सहुलियत पसल संचालनमा ल्याउँदैछ । उपभोक्तालाई सुपथ मूल्यमा खाद्यवस्तु बिक्री गर्न सरकारले उपत्यकाका पाँच स्थानमा सुपथ मूल्य पसल सञ्चालन गर्न लागेको हो ।

उद्योग, वाणिज्य तथा आपूर्तिमन्त्री लेखराज भट्टले शुक्रबारदेखि सुपथ मूल्य पसल सञ्चालन गर्न लागिएको बताएका छन् ।

उनका अनुसार खाद्य व्यवस्था तथा व्यापार कम्पनी र साल्ड ट्रेडिङ कर्पोरेसन लिमिटेडमार्फत सुपथ मूल्य पसल सञ्चालनमा आउन लागेका हुन् ।

सहुलियत पसलमा नुन, चामल, चिनी, गेडागुडी सुपथ मूल्यमा पाइने भ्एको छ ।

मन्त्री भट्टका अनुसार सरकारसँग अहिले करिब ६ महिनालाई पुग्गे खाद्यान्न, ८ महिनालाई पुग्ने औषधि, १० महिनालाई पुग्ने नुन र ३ महिनासम्म पुग्ने चिनी बाँकी मौजदात छ ।

ग्यास आयातमा समस्या छैन । व्यवसायीको कमजोरीले ग्यासको वितरणमा देखिएको समस्या केही दिनमै हल हुने उनले बताए ।

सरकारले सतुगंल, कालीमाटी, कोटेश्वर, बनेपा र भक्तपुरमा सुपथ मूल्यका पसल संचालनमा आउँदैछन् ।

ललितपुरमा भने शनिबारसम्म पसल संचालनमा आइसक्ने भएको छ ।

बालाजु र चाबहिलमा पनि पसल संचालनको तयारी रहेको छ ।

Loading...

फेसबुकबाट तपाईको प्रतिक्रिया

सम्बन्धित समाचार