काठमाडौं । कोरोना भाइरस (कोभिड १९) बारे झुटो हल्ला फिजाएको अभियोगमा प्रहरीले एक जनालाई पक्राउ गरेको छ ।
कोरोनाको संक्रमणबाट एक जनाको मृत्यु भएको तर नर्भिक अस्पतालले लुकाइरहेको भन्दै अडियो सन्देश सामाजिक संजालमा पठाएका थिए ।
यो अडियो भाइरल बनेको थियो । यसले सर्वसाधारणमा त्रास फैलिएको थियो ।
प्रहरीका अनुसार रामेछाप घर भई भक्तपुरको सिपाडोल बस्ने २० वर्षका विवेक थापा मगर पक्राउ परेका हुन् । कोरोना भाइरसको महामारी विश्वभर फैलिएको छ भने नेपालमा पनि उच्च जोखिममा छ ।
तर कोरोना संक्रमणको पुष्टि नेपालमा भएको छैन ।
उनले भने नेपालमा संक्रमण्ले मानिसको मृत्यु भएपनि अस्पताल र सरकारले लुकाएको भन्दै अफवाह फैलाएका थिए । प्रहरीले अब यसरी अफवाह फैलाउनविरुद्ध कडा कारवाहीको तयारी गरेको छ ।
