काठमाडौं । कोरोना भाइरस (कोभिड(१९) नेपालमा आएको छैन । तर, नेपाली नागरिक भने यसको संक्रमणबाट अछुतो छैनन् । बेलायतमा कोराना कै कारण एक नेपालीको मृत्यु भएको पुष्टि भएको छ ।

बेलायतमा बस्दै आएका ६६ वर्षीय पूर्व गोर्खा सैनिक लिलाबहादुर राईको कोरोनाको संक्रमणबाट मृत्यु भएको पुष्टि भएको हो । उनी संखुवासभा पुख्र्यौली भएका व्यक्ति हुन् ।

उनी सपरिवार बेलायतमा बस्ने गरेको बताइएको छ । लण्डनबाट उत्तर पश्चिम २१ किलोमिटर पर पर्ने हृयारो सहरमा बस्दै आएका उनको संक्रमणका कारण मृत्यु भएको पुष्टी भएको छ ।

उनको मंगलबार साँझ लण्डनको नर्थविक पार्क हस्पिटलमा भएको हो । उनी सेवा निवृत्त भएपछि बेलायत नै बस्दै आएका थिए ।

लिलाबहादुर मधुमेह र उच्च रक्तचापबाट पीडित भएको बताईएको छ । उनको दुई वर्ष अगाडी मृगौला प्रत्यारोपण गरिएको थियो ।

अचानक बिरामीले थलिएका उनलाई अस्पतालले कोरोनाको संक्तमण भएको पुष्टी गरेको हो ।

संचारमाध्यमहरुका अनुसार लिलाबहादुरकी श्रीमतिसहित परिवारका सबैलाई आइसोलेशनमा राखिएको छ । उनी कोरोना भाइरसको संक्रमणबाट मृत्यु हुने पहिलो नेपाली बनेका छन् ।

कोरोना भाइरसले संसारभर १० हजार भन्दा बढी मानिसको ज्यान गइसकेको छ ।