विश्व

आज भारतमा जनता कर्फ्यु, घरबाहिर ननिस्कन आह्वान

नयाँ दिल्ली । आज भारत सरकारको आह्वानमा जनता कर्फ्यु जारी रहेको छ । कोरोना भाइसविरुद्ध लड्न प्रधानमन्त्री नरेन्द्र मोदीले यसको प्रस्ताव गरेका थिए । उनले जनतालाई घर बाहिर ननिस्कन आह्वान गरेका छन् ।

उनले देशवासीका नाममा सम्बोधन गर्दै आइतबार जनता कर्फ्युको घोषणा गरेका हुन् । आज विहान ७ बजेदेखि बेलुका ९ बजे सम्म कर्फ्यु लाग्नेछ ।

कर्फ्यु घोषणापछि सडक सुनसान बनेका छन्। मानिसहरु घरबाट बाहिर निस्किएनन् । उनीहरुले सरकारको घोषणाको पालना गरेका छन् ।

केन्द्र सरकारको निर्णय अन्य सरकारहरुले समेत अनुशरण गरेका छन् ।

प्रधानमन्त्री मोदीले भिडभाड कम गर्न र भाइरसको संक्रमण घटाउन मानिसहरुलाई घरबाहिर ननिस्कन आग्रह गरेका छन् ।

भारतमा कोरोना भाइरसको संक्रमणबाट अहिलेसम्म ५ जनाको ज्यान गएको छ । ३ सय भन्दा बढी संक्रमित पुष्टी भइसकेको छ ।