05-Apr-2020 | २३ चैत्र २०७६, आईतवार

देशभरका जिल्लामा धमाधम लकडाउन

१० चैत्र २०७६, सोमबार ०   बिचार / प्रतिक्रिया


काठमाडौं । नेपालमा एक जनामा कोरोनाको पुष्टी भएसँगै देशभर आवागमन ठप्प बनाइने भएको छ । सरकारले सोमबारबाट लामो दूरीका सवारी साधन चलाउन नपाउने गरी रोक लगाएर कार्यान्वयनमा ल्याएको छ ।

यससँगै स्थानीय प्रशासनले पनि स्थानीय तहमा जिल्लाहरुमा आवागमन रोक्ने तयारी थालिसकेका छन् । नेपालका अधिकांश जिल्लाले मंगलबार बिहान १२ बजेबाट लागु हुने गरी जिल्लाहरुलाई लकडाउन घोषणा गरेका छन् ।

काठमाडौं उपत्यका बाट बाहिरिने र भित्रने सबै सबै सवारी साधनलाई रोक्ने तयारी गरिएको छ । राजधानीमा समेत मानिसको आवागमन बन्द गर्ने तयारी गरिएको छ ।

सोमबार नेपालमा थप एक जनामा कोरोनाको पुष्टी भएसँगै सरकारले आवागमन रोक्ने तयारी गरेको हो ।

स्थानीय तहहरुले भने पहाड र तराईमा आवागमन रोक्ने गरी धमाधम निर्णय गरिसकेका छन् । यसले कम्तिमा एक साता मुलुक ठप्प हुने देखिएको छ ।

यता, नेपाली सेनाले समेत आवश्यक परे लकडाउनको तयारीमा उत्रनु पर्ने भन्दै त्यसका लागि तयार रहन सबै निकायलाई सचेत गराइसकेको छ । लकडाउन कार्यान्वयनमा सेना समेत परिचालन हुन सक्छ ।

Loading...

फेसबुकबाट तपाईको प्रतिक्रिया

सम्बन्धित समाचार