काठमाडौं । आजबाट नेपाल पूर्ण लकडाउनमा गएको छ । जसले गर्दा हवाई र सडक यातायात ठप्प भएको छ । सडकमा सुरक्षाकर्मी र सरकारी अत्यावश्यक प्रयोजनका सवारी मात्र गुडेका छन् ।

मानिसको चहलपहल शून्य प्राय भएको छ । यसले मानिस घर भित्रै बस्नु पर्ने अवस्था सिर्जना गरेको छ ।

सरकारले घोषणा गरेको लकडाउनमा खाद्यान्नका पसलहरु भने बन्द नहुने सरकारले स्पष्ट पारेको छ । सरकारले कोरोना संक्रमण विरुद्धको लडाइमा राष्ट्र एकताबद्ध भएर लड्नुपर्ने भन्दै ‘लकडाउन’ घोषणा गरेको हो ।

लकडाउनको समिक्षा आजै सरकारले गर्दैछ । पहिलो दिन केही मानिसबाहेक धेरैजसो मानिसले लकडाउनको पूर्ण पालना गरेका छन् ।

मंगलबार बहिना भने केही मानिस राजधानी र जिल्लाहरुमा समेत बाहिर निस्किएका थिए । सरकारले लकडाउन पूर्ण पालना गर्नासाथ धेरैजसो समस्या हल हुने भन्दै त्यसका लागि आह्वान समेत गरेको छ ।

सामान्यतया लकडाउन कुनै आन्दोलन दवाउन भन्दा पनि एक राष्ट्रिय अभियान भएकाले जनताबाट पूर्ण पाला हुनेमा सरकारको विश्वास रहेको छ ।