स्वास्थ्य

कोरोना संक्रमण निको भएकाको रक्त प्लाज्मा अरु बिरामीलाई दिएर उपचार गर्न एफडिएले दियो स्वीकृती

न्युयोर्क

अमेरिकास्थित एफडिए (फुडएन्डड्रग एड्मिनिस्ट्रेसन) ले अमेरिकाभरका बिरामीहरुको उपचारमा कोरोना भाइरस संक्रमणबाट सन्चो भएका बिरामीको रक्त प्लाज्मा प्रयोग गरेर उपचार गर्न स्वीकृती दिएको छ । एफडिएले मंगलवार न्यु ईमर्जेन्सी प्रोटोकल अन्तर्गत यो बिधिबाट बिरामीको उपचार गर्ने स्वीकृती दिएको हो ।  

न्युयोर्क राज्यका गभर्नर एन्ड्रु कुमोले न्युयोर्क राज्यको हेल्थ डिपार्ट्मेन्टले निको भएका बिरामीको प्लाज्मालाई एन्टिबडीको रुपमा अन्य बिरामीको उपचार गर्ने तयारी गरेको बताएको भोलिपल्ट एफडिएको यो अनुमती आएको हो ।  

यो उपचार पद्धतीलाई “कन्नभाल्सेन्ट प्लाज्मा नामले चिनिन्छ । शताब्दी पहिला स्प्यानिस फ्लुको उपचारमा यही पद्धती प्रयोग गरेर थुप्रै मानिसको ज्यान बचाईएको थियो ।