स्वास्थ्य

नेपालमा तेस्रो व्यक्तिमा देखियो कोरोना, यूएईबाट फर्किएका युवामा पुष्टी

काठमाडौं । नेपालमा कोरोना भाइरसको तेस्रो संक्रमण पुष्टी भएको छ ।

यूएईबाट ५ चैतमा फर्किएका एक युवामा कोरोना भाइरसको पुष्टी भएको टेकुस्थित शुक्रराज अस्पतालले जनाएको छ ।

यो संगै अब नेपालमा तेस्रो पोजेटिभ पुष्टी भएको हो । यसअघि चीनबाट फर्किएका एक नेपालीमा कोरोना देखिएको थियो ।

उनी निको भएर घर फर्किसकेका छन् । आइतबार मात्र एक जना युवतीमा कोरोना देखिएको थियो । उनी फ्रान्सबाट नेपाल आएकी थिइन् ।

बुधबार भने यूएईबाट नेपाल आएका युवामा देखिएको हो । उनी धादिंगको स्थायी बासिन्दा भएको र ३२ वर्षिय रहेको पाइएको छ । उनी यूएईको सारजहाबाट एयर अरेवियाको जी९५३७ उडान नम्बरबाट नेपाल आई होटेलमा बसेका थिए ।

अस्पताल स्रोतका अनुसार उनी १० चैतमा अस्पतालमा पुगेका थिए । उनको परीक्षणमा कोरोना पोजेटिभ देखिएको हो । उनलाई अलग्गै राखेर उपचार भइरहेको छ ।