यूएई । यूएईमा थप २ जना नेपालीमा कोरोना भाइरसको संक्रमण पुष्टी भएको छ । युएईको स्वास्थ्य तथा रोकथाम मन्त्रालयले शुक्रबार यसको पुष्टी गरेको हो । शुक्रबार मात्र यस मुलुकमा ७२ जना नयाँ संक्रमित फेला परेका थिए ।

त्यसमध्ये दुई जना नेपाली कामदार रहेका छन् । यूएइमा कूल संक्रमित ४ सय ५ जना भएको छ । यूएइमा यसअघि दुई जना नेपाली कामदारमा कोरोना देखिएको थियो । उनीहरु निको भएर घर फर्किसकेका छन् ।

दुई जना नेपालीसहित ५५ जनाको यूएइमा सफल उपचार भइसकेको छ ।

यूएइमा उक्त मुलुकभन्दा बाहिरी कामदार तथा श्रमिकमा बढी रोगका संक्रमण देखिएको छ । कतिपय पर्यटकसमेत रहेका छन् ।

शुक्रबार नेपाल सहित श्रील‌ंका, जोर्डन, प्यालेष्टाइन, सिरिया, इरान, कोमोरोस, चीन, साउदी अरब, काजकिस्तान, सर्भिया, ग्रीस, उरुग्वे, रोमानिया, स्विडेन, दक्षिण अफ्रिका, इराक, यमन, इथोपिया, इमराती, बेलायत, पाकिस्तान, लेबनान, भारत र बंगलादेशका नागरिकमा कोरोना पुष्टी भएको मन्त्रालयको भनाई छ ।

यूएइमा अहिले लकडाउन घोषणा भएको छ । स्वास्थ्य र खाद्य क्षेत्रका डेलिभरी सेवा, बैंक र विमानस्थल मात्र खुला छन् । यहाँ सरकारको नीति नमाने कडा कानूनि कारवाहीको प्रावधान रहेको छ ।