29-May-2020 | १६ जेष्ठ २०७७, शुक्रबार

कोरोनाले अमेरिकामा एकै दिन ४ सय मानिसको ज्यान लियो

१५ चैत्र २०७६, शनिबार ०   बिचार / प्रतिक्रिया


काठमाडौं । कोरोना भाइरसले अहिले अमेरिकार यूरोपेली मुलुकलाई आक्रान्त बनाएको छ । शुक्रबार यी मुलुकबाट अझ डरलागे तथ्यांकहरु आएका छन् ।

अमेरिकामा मात्र एकैदिन कोरोना भाइरस (कोभिड–१९) को संक्रमणबाट ४ सय जनाको मृत्यु भएको तथ्यांक सार्वजनिक भएको छ ।

विश्व स्वास्थ्य संगठनका अनुसार कोरोनाका कारण अमेरिकामा मृत्यु हुनेको संख्या अब १ हजार ६ सय ९५ पुगेको छ ।

इटली, स्पेन र चीनपछि अमेरिकामा धेरै मानिसको ज्यान गएको हो । शुक्रबार अमेरिकामा १८ हजार नयाँ संक्रमित भेटिएका छन् ।

यसले अमेरिकाले संक्रमण रोक्न चालेका सबै कदम फेल भएको प्रमाणित गरेको छ । अब अमेरिकामा मात्र संक्रमितको संख्या एक लाख नाघेको छ ।

यो कुनै पनि मुलुकमा भएको सबैभन्दा ठूलो संक्रमण हो । धेरै मानिसको ज्यान गएको इटलीमा समेत यति धेरै मानिसमा संक्रमण भइसकेको छैन ।

अमेरिकी राष्ट्रपति डोनाल्ड ट्रम्पले बिहीबार मात्र कोरोना भाइरस नियन्त्रणका सम्बन्धमा चिनियाँ समकक्षी सी चिनफिङसँग टेलिफोन वार्ता गरेका थिए ।

यसअघि कोरोनालाई निकै हल्का रुपमा लिएका ट्रम्प अहिले भने केही गम्भीर बन्न थालेको जानकारहरु बताउँछन् ।

कोरोनाको संक्रमण करीव ६ लाख मानिसमा पुगिसकेको छ । शुक्रबारसम्म २७ हजारमानिसले ज्यान गुमाइसकेका छन् ।

Loading...

फेसबुकबाट तपाईको प्रतिक्रिया

सम्बन्धित समाचार