स्वास्थ्य

धनगढीमा कोरोना पुष्टी भएका व्यक्ति दुबईबाट दिल्ली हुँदै नेपालमा

काठमाडौं । शनिबार नेपालमा थप एक जनामा कोरोना भाइरसको संक्रमण भएको पुष्टी भएको छ ।

यससँगै कूल संक्रमितको संख्या पाँच पुगेको छ । सरकारले यसअघि शुक्रबार धनगढीमा भेटिएका संक्रमितको समेत विस्तृत जानकारी सार्वजनिक गरेको छ ।

स्वास्थ्य मन्त्रालयका प्रवक्ता डा. विकास देवकोटाका अनुसार शुक्रबार धनगढीमा ३२ वर्षिय युवाका संक्रमण पुष्टी भएको थियो ।

उनी २० मार्चमा इमिरेट्स एयरको जहाज चढेर दिल्ली आएका थिए । दिल्लीबाट भिस्तारा एयरको जहाज चढी काठमाडौं झरेका थिए ।

त्यसपछि उनी धनगढी पुगेका थिए । उनको समेत उपचार जारी रहेको देवकोटाले जनाए ।

नेपालमा शनिबारसम्म कोरोनाको कूल ९ सय परीक्षण भएको छ । जसमा ५ जनामा पोजेटिभए देखिएको हो ।