समाचार

लकडाउन उल्लंघन गरे २ घण्टा सडकमै

काठमाडौं । लकडाउन तोडेर मानिसहरुले आवतजावत बढाएपछि प्रहरीले कडा कारवाहीको तयारी गरेको छ । आजबाट लकडाउन तोडेमा अब दुई घण्टा सडकमै उभिनु पर्ने भएको छ ।

दुई घण्टा सडकमा उभ्याएर प्रहरीले सडकमै कक्षा संचालन गर्ने भएको छ । भारतमा लकडाउन तोडेर निस्कनेमाथि प्रहरीले भाडा बर्साउने गरेको छ । तर, नेपालमा भने प्रहरीलाई सार्वजनिक स्थानमा भाटा हान्ने अधिकार छैन ।

सोहीकारण प्रहरीले सम्झाउने र कक्षा दिने गरिरहेको थियो । सोहीकारण लकडाउनलाई मानिसले सामान्य रुपमा लिएर निस्कने गरेका थिए ।

शनिबारबाट पक्राउ गर्न थालेको प्रहरील अब भने सडकमा उभ्याउने भएको छ । कोरोना भाइरसको जोखिम बढेपछि अत्यावश्यक कामबाहेक बाहिर ननिस्किन आह्वान गर्दै सरकारले लकडाउन घोषणा गरेको छ ।

आइतबार मात्र लकडाउन उल्लघंन गर्ने ६ सय भन्दा बढी व्यक्ति प्रहरीको फन्दामा परेका छन् । उनीहरुलाई दुई घण्टा सडकमा ‘होल्ड’ गरेर सचेतना कक्षा लिइएको प्रहरीले जनाएको छ ।

पक्राउ गरेर राख्दा जोखिम देखिएपछि प्रहरीले लकडाउन उलंघन गर्नेलाई जहाँ भेटिन्छ त्यहाँ उभ्याउने नीति लिएको हो । आइतबार बिहान ७ः३० बजेसम्म ५ सय १२ पुरुष र १ सय ५ महिला सडकमा निस्किएपछि समाएर सडकमै रोकिएको छ ।

यसअवधिमा १ सय सवारी साधन कारवाहीमा परेका छन् । यो नीति काठमाडौंका तीन जिल्लामा लागु भएको छ ।