न्यूयोर्क । कोरोना भाइरस (कोभिड–१९) परीक्षण अब ५ मिनेटमै सम्भव हुने भएको छ । अमेरिकी कम्पनी एबोटले सबैभन्दा छिटो भाइरस परीक्षण गर्न सकिने प्रविधिको विकास गरेको दावि गरेको छ ।

यसले संक्रमितको छिटो पत्ता लाग्ने र फैलावट कम गर्न सहयोग पुग्ने विश्वास लिइएको छ । अहिले विकसित तथा विकाससिल, सबै मुलुकमा परीक्षण झण्झटिलो रहेको छ ।

नतिजा आउन समेत लामो समय लागिरहेको छ । कम्पनीका अनुसार अब ५ मिनेटमै यस मेसिनले कोरोनाको नतिजा दिने भएको छ ।

प्रविधिलाई अमेरिकाको फूट एण्ड ड्रग्स एड्मिनिस्ट्रेशन (एफडीए) ले अनुमति समेत दिएको छ ।

दैनिक ५० हजारका दरले यो मेसिन उत्पादन थाल्ने तयारी कम्पनीले गरेको छ । कम्पनीका अनुसार मेसिनको परिक्षण अमेरिकामा शुरु भइसकेको छ ।

तर, विश्वसनीयताको भने नतिजा सार्वजनिक गरिएको छैन । कोरोना भाइरसको भने अझै पनि औषधी पत्ता लागिसकेको छैन ।