काठमाडौं । सरकारले अन्तराष्ट्रिय उडान १५ अप्रिलसम्म बन्द गर्ने निर्णय गरेको छ ।
यसअघि १ अप्रिलसम्म मात्र स्थगन भएको हवाई उडान कोरोनाको जोखिम भित्रन सक्ने सम्भावनालाई ध्यानमा राख्दै थप दुई साता लम्ब्याउने निर्णय भएको हो ।
कोभिड १९ सम्बन्धी उच्चस्तरीय समितिको आइतबार बसेको बैठकले उक्त निर्णय गरेको हो ।
बैठकले लकडाउनको अवधि थप्ने सिफारिस समेत गरेको छ ।
सरकारको यो निर्णयसँगै थप दुई साता नेपाल अन्तराष्ट्रिय समुदायसँगको हवाई सम्पर्कबाट अलग रहने भएको छ । अहिले नेपालमा आकस्मिक सेवा र उद्दारको काममा मात्र हवाई सेवा संचालन भइरहेको छ । अन्य सेवा ठप्प रहेको छ ।
