काठमाडौं । सरकारले विदेशमा रहेका आफ्ना छोराछोरीलाई पैसा पठाउने सुविधा नेपालमा रहेका अविभावकलाई दिने भएको छ ।

तर विदेशमा रहेका नेपाली विद्यार्थी अब तत्काल नेपाल भने आउन भने पाउने छैनन् ।

कोभिड १९ सम्बन्धि उच्चस्तरीय संयन्त्रको बैठकले विदेशमा रहेका विद्यार्थीलाई पैसा पठाउन दिने निर्णय गरेको हो ।

यसको व्यवस्थापन नेपाल राष्ट्र बैंकले गर्ने भएको छ । कोरोनाका कारण धेरै नेपाली विद्यार्थी विदेशमा अलपत्र परेका छन् ।

काम गर्ने स्थान बन्द भएका कारण धेरैको रोजिरोटी गुमेको हो । यसले गर्दा विदेशमा दैनिकी नै संचालनमा समस्या परिरहेको गुनासो नेपाली विद्यार्थीले गरेका छन् ।

विदेशमा लाखौंको संख्यामा नेपाली विद्यार्थी रहेका छन् । कोरोनको संक्रमणको डरले उनीहरुलाई भने नेपाल भने नल्याइने भएको छ ।

जहाँ जुन अवस्थामा छन्, सोही स्थानमा सुरक्षित रहन सरकारले आग्रह गरेको छ ।