मनोरञ्जन

भारतमा कोरोनासँग लड्न बलिउड हस्तीको साथ, कसले कति सहयोग गरे ?

मुम्बई । भारतमा प्रधानमन्त्री राहत कोष स्थापना गरी कोरोनाविरुद्धको अभियान शुरु गरिएको छ ।

यस दौरान बलिउड कलाकारले ठूलो धनराशी सहायताको घोषणा गरिरहेका छन् । यसमो अग्रपंक्तीमा आउने कलाकार अक्षय कुमार हुन् ।

वर्तमान समयका सबैभन्दा व्यस्त अभिनेता अक्षयले प्रधानमन्त्री राहत कोषमा २५ करोड भारु सहयोगको घोषणा गरेका छन् ।

अभिनेता बरुण धवनले प्रधानमन्त्री राहत कोषमा ३० लाख भारु सहयोगको घोषणा गरेका छन् । गायक गुरु रन्धवाले २० लाख रुपैयाँ यस कोषमा जम्मा गर्ने घोषणा गरेका छन् ।

अभिनेता सनी देवलले ५० लाख रुपैयाँ यस कोषमा राख्ने घोषणा गरिसकेका छन् । हेमा मालिनीले एक करोड रुपैयाँ सहायताको घोषणा गरेकी छिन् ।

गायक कुमार सानुले ५ लाख भारु सहयोग गरेका छन् । हास्यकलाकार कपिल शर्माले यस कोषमा ५० लाख भारु राहत दिएका छन् ।

कलाकार ऋतिक रोशनले २० लाख रुपैयाँ सहायताको घोषणा गरेका छन् ।