काठमाडौं । नेपालमा रहेका अमेरिकी नागकिरलाई फिर्ता लगिने भएको छ । अमेरिकी दूतावासका अनुसार मंगलबार कतार एयरवेजको जहाज अमेरिकी नागरिकलाई लैजान नेपाल आउने निश्चित भएको हो ।

पदयात्रा तथा अन्य प्रयोजनमा नेपालमा रहेका अमेरिकी पर्यटक फिर्ता जान सक्ने भएका छन् । दूतावासले अहिले धमाधम घर फर्कन चाहने नागरिकबाट फारम भराइरहेको छ । यसअघि यूरोपेली यूनियनका मुलुकहरुले तीन वटा चार्टर्ड फ्लाइटमार्फत आफ्ना नागरिक घर लगिसकेका छन् ।

अष्ट्रेलियाले नेपाल एयरलाइन्सको वाइडबडी जहाज चार्टर्ड गरेको छ । उसले पनि आगामी १ अप्रिल नेपालबाट आफ्ना नागरिकलाई फिर्ता लैजान भएको हो ।

कोरोना भाइरसको संक्रमण फैलन नदिन नेपाल सरकारले लकडाउन घोषणा गरेको छ ।

सोहीकारण विदेशीहरु नेपालमा अलपत्र नपरुन भन्ने उद्देश्यले उनीहरुलाई व्यवस्थापन भने गरिएको छ ।