रोचक खवर

सरकारले रोक्यो मदिरा आयात, महंगा गाडी पनि आयात नहुने

काठमाडौं । नेपालमा मदिरा आयात रोकिएको छ । सरकारले सोमबार बिहानबाट लागु हुने गरी विभिन्न वस्तुको आयातमा रोक लगाएको छ । त्यसमध्ये अब विदेशबाट मदिरा नेपाल आउने छैन ।

कोरोना भाइरसको महामारीसँग जुध्नु स्रोतको जोहो गर्नुपर्ने भन्दै सरकारले अनावश्यक वस्तु तथा अतिविलासिताका सामानको आयात रोक्ने निर्णय गरेको हो ।

मन्त्रिपरिषदले मदिरा, मरिच र छोगडाको आयातमा तत्काल रोक लगाउने निर्णय गरेको हो । यो निर्णय अर्को निर्णय नभएसम्मका लागि भएको हो ।

त्यसकारण अब विदेशबाट अत्यावश्यक सामग्री मात्र आयात हुने भएको छ । त्यसमा मंहगा गाडीको आयात पनि रोकिएको छ ।

भारतबाट आउने ढुवानीलाई भने सरकारले रोकेको छैन । तर, मानिसहरुको आवतजावत रोकिएको छ । लकडाउन २५ चैतसम्म लम्बिदा सीमा नाका समेत सोही अवधिसम्म रोकिएका छन् ।