काठमाडौं । नेपालमा रहेका अमेरिकी नागरिक फिर्ता भएका छन् । मंगलबार साढे १ बजे त्रिभुवन विमानस्थबाट ३ सय २ जना अमेरिकी नागरिकलाई बोकेर कतार एयरवेजको जहाज कतारतर्फ उडेको हो ।

यो जहाज दोहामा इन्धन भरेर डल्लासतर्फ लाग्नेछ । सोमबार दिनभर देशभर रहेका अमेरिकी नागरिकलाई काठमाडौंमा जम्मा पारिएको थियो ।

उनीहरु आज सबै प्रक्रिया पुरा गरी नेपालबाट बाहिरिएका हुन् । यसअघि यूरोपका नागरिकलाई समेत कतार एयरवेजले लगेको थियो ।

बुधबार अष्ट्रेलियाका नागरिकलाई नेपाल एयरलाइन्सले फिर्ता लैजाँदै छ । नेपालमा अन्तराष्ट्रिय उडान १५ दिन बन्द हुने भएपछि यहाँ अड्किएका नागरिकलाई धमाधम स्वदेश फिर्ता गरिदैछ ।