काठमाडौं । निजी दूरसञ्चार सेवा प्रदायक कम्पनी एनसेलले मंगलबार सरकारलाई ४ अर्ब ६० करोड रुपैयाँ कर तिरेको छ । यो रकम सेयर स्वामित्व खरिद बिक्री वापतको पुँजीगत लाभकर हो ।
कूल २२ अर्ब ४५ करोड रुपैयाँ कर निर्धारण भएको यो कम्पनीले यसअघि ४ अर्ब ५० करोड रुपैयाँ बुझाइसकेको छ ।
ठूला करदाता कार्यालयका अनुसार यस कम्पनीले अझै सरकारलाई साढे १४ अर्ब बुझाउनु पर्छ । यो रकम एकै पटक बुझाउनु पर्ने रकम हो ।
तर, कम्पनीले किस्ताको सुविधा सरकारसँग माग गरेको थियो ।
देशमा आर्थिक संकट रहेको र कोरोनासँग लड्नुपर्ने समयमा आएको यो रकमले सरकारलाई भने केही रहात दिएको छ । ठूला करदाता कार्यालयका अनुसार बाँकि रकम लकडाउन लगत्तै तिर्न आदेश दिइएको छ ।
