04-Jul-2020 | २० असार २०७७, शनिबार

भ्रमण वर्ष रोकियो, १ बैशाखबाट सचिवालय विघटन

१८ चैत्र २०७६, मंगलवार ०   बिचार / प्रतिक्रिया


काठमाडौं । सरकारले नेपाल भ्रमण वर्ष २०२० औपचारिक रुपमा स्थगन गरेको छ । मंगलबार पर्यटन सचिव केदारबहादुर अधिकारीले भ्रमण वर्ष स्थगित भएको जानकारी गराएका हुन् ।

सरकारले यसअघि अप्रिलसम्म मात्र यो कार्यक्रम स्थगित गरेको थियो । अब भने औपचारिक रुपमा स्थगित भएको सचिव अधिकारीले जनाएका छन् ।

उनका अनुसार सरकारले ९ चैतमा भ्रमण वर्ष स्थगित गर्ने निर्णय गरेको थियो । सरकारले १ वैशाखबाट भ्रमण वर्षको सचिवालयसमेत विघटनको निर्णय गरेको छ ।

यस सचिवालयमा नेपाल उद्योग वाणिज्य महासंघका पूर्वअध्यक्ष सुरज वैद्य संयोजक तोकिएका थिए ।

सरकारले वार्षिक २० लाख पर्यटक भित्र्याउने लक्ष्यसहित सन् २०२० लाई भ्रमण वर्ष घोषणा गरेको हो ।

तर, कोरोनाका कारण यो वर्ष अभियान सफल हुन सकेन । सरकारले कूल ६५ करोड रुपैयाँ बजेट राखेर भ्रमण वर्ष घोषणा गरेको हो । यसअभियानको १ जनवरीमा औपचारिक शुभारम्भ भए हो ।

Loading...

फेसबुकबाट तपाईको प्रतिक्रिया

सम्बन्धित समाचार