समाचार

कोरोनाका कारण चीनमा भन्दा अमेरिकामा धेरैको ज्यान गयो

काठमाडौं । कोरोना भाइरस (कोभिड–१९) को संक्रमणबाट अमेरिकमा ३ हजार ६ सय मानिसको ज्यान गएको छ । यो संख्या चीनमा कोरोनाका कारण मर्ने मानिसको संख्या भन्दा धेरै हो ।

चीनमा ३ हजार ३ सय ५ मानिसको ज्यान गएको तथ्यांक रहेको छ । अहिले कोरोनाको मूख्य महामारी यूरोप र अमेरिकामा सरेको छ । चीन र युरोपपछि कोरोनाको इपिसेन्टर अमेरिका बनेको हो ।

धेरै मानिस इटली र स्पेनमा मरेका छन् । अमेरिकामा संसारका सबैभन्दा धेरै संक्रमित छन् । यस मुलुकमा कूल संक्रमितको २० प्रतिशत रहेको छ ।

अमेरिकामा कुल कोरोना संक्रमित संख्या १ लाख ८१ हजार पुगेको छ ।

डिसेम्बर अन्तिम साताबाट देखापरेको कोरोनाबाट हालसम्म ४१ हजार बढी मानिसको ज्यान गएको छ । झण्डै ८ लाख ५० हजार मानिसमा संक्रमण देखिएको छ । यो संक्रमण विश्वका सबैजसो मुलुकमा फैलिएको छ ।