विश्व

नेदरल्याण्ड्सले पनि नेपालबाट फिर्ता लग्यो आफ्ना नागरिक

काठमाडौं । यूरोपेली मुलुक नेदरल्याण्ड्सले समेत नेपालबाट आफ्ना १२२ जना नागरिकलाई फिर्ता लगेको छ ।

नेपालमा लकडाउनको अवधी एक साता र अन्तर्राष्ट्रिय उडान १५ दिन बन्द भएपछि यूरोपेली अधिकांश मुलुकले नेपाल भ्रमणमा आएका आफ्ना नागरिकलाई फिर्ता लगेका हुन् ।

सोही क्रममा नेदरल्याण्ड्सले नेपालबाट मलेसिया एयरलाइन्सको जहाजबाट आफ्ना नागरिक फिर्ता गरेको हो ।

यसअघि बुधबार अष्ट्रेलियाले आफ्ना नागरिकलाई नेपाल एयरलाइन्समार्फत फिर्ता लगेको थियो । उक्त जहाज आज काठमाडौं अवतरण गर्दैछ ।

यता, नेपाल एयरलाइन्सको वाइडबडी जहाज आजै दोस्रो लटको मेडिकल किट लिन चीनको ग्वानझाउ उडेको छ ।

यो जहाजले बिहीबार राती कोरोना संक्रमणको रोकथामका लागि आवश्यक सामगी लिएर आउनेछ । यी सामग्री नेपालमा निजी क्षेत्रले अर्डर गरेका हुन् ।