काठमाडौं । सरकारले लकडाउनका अवधिमा समेत उद्योग तथा आर्थिक प्रतिष्ठानहरु भने संचालनको वातावरण बनाउने भएको छ ।

यसका लागि शर्तसहित उद्योग तथा आर्थिक प्रतिष्ठान संचालन गर्ने निर्णय सरकारले गरेको छ ।

कोरोना रोकथामसम्बन्धी उच्चस्तरीय समितिको बैठक बिहीबार बसेको थियो ।

बैठकले विशेषगरी खाद्य र अत्यावश्यक बस्तु उत्पादन गर्ने उद्योग प्रतिष्ठानलाई खुला गर्ने निर्णय गरेको हो ।

तर, उद्योगहरुले कामदारलाई आवासीय सुविधा दिनुपर्नेछ । उनीहरु बस्ने र काम गर्ने स्थानमा समेत सुरक्षाको पूर्ण प्रत्याभूति हुनुपर्ने शर्त राखिएको छ ।

सरकारका प्रवक्ता डा. युवराज खतिवडाले यस्तो जानकारी दिएका हुन् । उनका अनुसार सुरक्षा मापदण्ड पुरा गरी उद्योगहरु खुल्ने भएका छन् ।

अन्य उद्योग चलाउनु परेमा भने स्थानीय प्रशासनको अनुमति चाहिने भएको छ ।