मस्को । रूस सरकारले उक्त देशमा जारी गरेको लकडाउनको अवधी बढाएको छ । यस मुलुकमा लगातार कोरोनाको संक्रमण बढेसँगै लकडाउनको अवधि समेत बढाइएको हो ।

अब रूसमा ३० अप्रिलसम्म नै लकडाउन जारी रहने भएको छ । राष्ट्रपति भ्लादिमिर पुटीनले यस्तो घोषणा गरेका हुन ।

रुसको मस्कोमा अवस्था गम्भीर रहेको बढाइएको छ । अन्य स्थानमा भने स्थिति नियन्त्रणमै रहेको बताइएको छ ।

सोहीकारण देशभर यस भाइरसको संक्रमण फैलन नदिन लकडाउन घोषणा गरिएको हो । पुटीनका अनुसार स्थानीय प्रशासनको अनेक कोशिसका वावजुत मुलुकमा संक्रमण रोकिएको छैन ।

पछिल्लो तथ्यांक अनुसार रुसमा २४ घण्टा भित्र ७ सय ७१ नयाँ बिरामी देखिएका छन् । यस मुलुकमा कुल ३ हजार ५ सय ४८ जनामा संक्रमण देखिएको छ ।

यद्दपी यूरोप र अमेरिकाको तुलनामा रुपमा यो भाइरसको संक्रमण निकै नियन्त्रित देखिएको छ ।

कोरोना भाइरसविरुद्ध चीनपछि रुसले पनि निरन्तर सफलता पाउँदै गएको बताइएको छ ।

खासगरी यी मुलुकले नागरिकको आवतजावतलाई छिट्टै नियन्त्रण गर्न सकेका कारण भाइरसले फैलन अवसर पाएन ।