काठमाडौं । बहराइनमा एकै क्याम्पमा बसेका ९ जना नेपालीमा कोरोनाको पुष्टी भएको छ । यसअघि पोर्चुगलमा एकै पटक ८ जना नेपालीमा कोरोनाको संक्रमण देखिएको थियो ।
बहराइनमा मात्र कोरोना संक्रमित नेपालीको संख्या १२ पुगेको छ। बहराइनस्थित नेपाली दूतावासका अनुसार एउटै क्याम्पमा बसेका कामदारको नमुना परीक्षण गर्दा सबैमा कोरोना पोजिटिभ देखिएको छ ।
क्याम्पमा अरु पनि मानिस भए नभएको भने खुलेको छैन । शुक्रबारसम्म १२ नेपालीसहित २ सय ८६ संक्रमित बहराइनमा फेला परेका छन् । उनीहरुको उपचार रहेको रहेको छ । बहराइनमा नेपाली कामदार ठूलो संख्यामा रहेका छन् ।
