काठमाडौं । इटलीमा तुलनात्मक रुपमा संक्रमितको संख्या घट्न थालेको छ । खासगरी नयाँ संक्रमण कम हुन थालेको छ । तर, अर्को यूरोपेली मुलुक स्पेनमा भने निकै तिब्र गतिमा संक्रमण बढीरहेको छ ।
कोरोना भाइरस (कोभिड १९)बाट स्पेनमा एकै दिन ८०९ जनाको मृत्यु भएको छ । अब स्पेनमा मृतकको संख्या ११ हजार सात सय ४४ पुगेको हो ।
पछिल्लो तीन दिन यता मृतकको संख्या भने १ हजार भन्दा कममा आएको छ । स्पेनमा कुल संक्रमित १ लाख २४ हजार ३६ पुगेको छ ।
यो संख्या कोरोनाबाट सबैभन्दा धेरै मृत्यु भएको इटालीको भन्दा माथि हो । तर, अमेरिकामा भएको भन्दा यहाँ संक्रमित कम छन् ।
अमेरिकामा संक्रमितको संख्या २ लाख भन्दा माथि पुगेको छ ।
