न्यूयोर्क । अमेरिकाको पिटसवर्ग मेडिकल सेन्टर युनिभर्सिटी (यूपीएमसी)का डाक्टरले कोरोना भाइरस (कोभिड १९) विरुद्धको सम्भावित खोप पत्ता लगाएको दावि गरेका छन् ।

यद्दपी यसलाई कुनै आधिकारिक निकायले पुष्टी भने गरेका छैनन् । डाक्टरहरुले प्रेस विज्ञप्ती जारी गर्दै खोपको परिक्षण सफल भएको बताएका छन् ।

उनीहरुले २१ जनवरीबाट खोपको विकास थालिएको उल्लेख गरेका छन् । डाक्टरहरुका अनुसार खोप मुसामा परीक्षण गरिएको थियो ।

दुई साता भित्र खोपको प्रभावले मुसामा भाइरसविरुद्ध लड्ने क्षमताको विकास भएको उनीहरुको दावि रहेको छ । खोप कोरोना भाइरसविरुद्ध प्रभावकारी हुने र यो खोप लिँदा साइड इफेक्टसमेत नहुने उनीहरुको भनाई छ ।

सार्स र मार्ससँग मिल्दोजुल्दो गरी खोप बनाइएको डाक्टरहरुले बताएका छन् ।

यो खोप बजारमा उपलब्ध हुन भने अझै १२ देखि १८ महिनासम्म लाग्न सक्ने दावि गरेका छन् ।

यसलाई सरकार र विश्व स्वास्थ्य संगठनले अनुमोदन गरेपछि मात्र मानिसमा परिक्षण हुने बताइएको छ । त्यसपछि मात्र यो बजारमा उपलब्ध हुने भएको छ ।